Digarogasho

Erayada: Maxamed Ibraahin Warsame “Hadraawi”

Laxanka: Cabdikariin Faarax Qaarrey "Jiir"

Luuqda: Maxamed Mooge iyo Shankarroon Axmed “Sagal”

Mooge

Jidhku wuxu dubaaxshaa

Damqadaa halbawluhu

Xididdadu darrooraan

Ama dhiigga daadshaan

Afku hadalka daayaa

Dibnihiisa haystaa

Doqon kaa nasiib lihi

Marka ay ku dooxdee

Birta kaala daashee

Kuu celiso daabkee;

Waxay doodi furan tahay

Ruux kuu darraan jiray

Marka aad ku digatee

Xaqu kuu dulleeyee 

Xabsi Caashaq

Ereyada: Ayaan Kaaba Axmed Caydiid

Luuqda: Faysal Muniir

Laxanka: Xariir Axmed

 Iga daa xusuusaha

Xayiraadda iga qaad

Ii keen xorriyaddii

Aan xidhiidh samaystee

Adduunyada Nin Dhoofiyo

Luuqda: Maxamed Saleebaan Tubeec
Ereyada: Maxamed Cali Kaariye
Laxanka: Xasan-Gareyd (?)


Adduunyada nin dhoofiyo
Ninkii deggen dhulkii hooyo
Nin dhergiyo
Nin dhawr qaday
Aan dheef hayn
Dheddigiyo laboodba
Hawli kama dhammaatee
Qof waliba waxii dhibay
Dhafoorkay ku taallaa
Anna dhaawacaygii
Jacayl dhidibka aastaan
La dheeldheelliyaaye!

Haddii Aanan Dhulkaygow

Erayada: Axmed Saleebaan Bidde

Laxanka: Axmed Saleebaan Bidde

Luuqda: Muuse Ismaaciil Qalinle

Haddii aanan dhulkaygow

Dhuux cadaawe kuu karin

Haddii aanan dhulkaygow

Dhiig kuugu fooldhaqin

Haddii aanan dhulkaygow

Gobannimada soo dhicin

Soomaali kama dhalan

Maalkaaga maan dhaqan

Caanihiisa maan dhamin

Ciiddana dhab u ma ledin

Wacdaraha Adduunka

Erayada: Maxamed Ibraahin Warsame “Hadraawi”

Laxanka: Cabdikariin Faarax Qaarrey “Jiir”

Luuqda: Maxamed Mooge Liibaan

Walaac anigoo ku seexday

Maxaan walbahaar la toosay

Wareer anigoo la liita

Maxaan werwer jiifi waayay;

Badda Caashaqa

Erayada: Maxamed Cumar “Huryo”

Laxanka: Axmed Gacayte Yuusuf

Luuqda: Sahra Axmed Jaamac

Badda caashaqeen gudhin

Een cidi ka soo bixin

Aday baraye ma og tahay!

Kolkii aan barriinsaday

Ka baxdaye maxaa dhacay

Beenaysay wacadkii! 

Waan Duulayaaye

Erayada: Saxardiid Maxamuud Jabiye

Luuqda: Maxamed Aadan “Dacar” iyo Hibo-Nuura

Dacar

Dabar iyo hoggaaniyo

Dani seeta weeyee;

Iga duule xoolihii

Adna kaama daahnee

Dib ina’n u dhoofaan

Taladii ku daystee

Aan kula dardaarmee

Rugta sii daryeeloo… 

Guuleed Ma Joogaa?

Luuqda: Xasan Aadan Samatar
Ereyada: Cabdulqaadir Xirsi Siyaad (Yamyam)
Laxanka: Cabdikariin Faarax Qaarrey (Cabdikariin-Jiir)

Xalay gelin dhexaadkii
Mar aan mayrac guuraha
Sheedda guriga faalalay
Oon himilo gaar ah iyo
Dayaxoon galsho lahayn
Ilayskiisa galalacay
Sida goonni daaq cawl
Gaafmeeray socodkii

Dawo (Daruur Curatay baa)

Erayada: Aadan Tarabbi Jaamac

Laxanka: Aadan Tarabbi Jaamac

Luuqda: Cabdiraxmaan Xasan Rooraaye (Abu Raas) iyo Aamina Cabdillaahi Xirsi

Abu Raas

Daruur curatay baa

Anoo debad fadhiya

Igu soo da’dee;

Doox soo rogmiyo

Dufaan cir iyo

Daad baa i sidee;

Bal Dawooy adaa

Dadna iigu dhow

Deyi wayday hooy

Darxumadaan qabee

Nafsi lala darsaa

Danbabeer ma lee

Dib u fiirsa oo

Yaanu kugu danbayn

Jaw Nabadgelyo!

Erayada: Xasan Xaaji Cabdillaahi (Xasan-Ganey)

Luuqda: Xaliimo Cumar Khaliif (Magool)

Ma jir caashaq bay helay

Ma adaa Jardooliyo

Jirdagooye kugu dhacay;

Ma anaa jidiinkiyo

Carrabkaygu jalaq gabay!

Sidaan anigu jecelahay

Adigoo u jeel qaba

Ma jiq bay na kala xiga

Iyo buurtii jamal Qaaf!

Anoo jiifka qaban liyo

Adoo jeegada u yaal

Miyay talaba joogtaa!

Beerkey Adaa ku Weyn

Ereyada:...... ?
Luuqda: Maxamad Aadan Shamuuri

Billow bisinkaa u weyn
Aqoon barashaa ka weyn
Billaahi yaqiin u weyn
Xijaabna burdaha u weyn
Naftayda bar baad tahoo
Jacayl igu biirayaa
Intaa igu baahayee

Midab Gumaysi Diida (Madaxdii Afrikaay)

Erayada: Maxamuud Cabdullaahi Ciise “Singub”

Luuqda: Cabdi Cali Bacalwaan iyo Dalays iyo jiibinta Kooxdii Waaberi!

Ian Smith[i] ma muuqdeen

Rhodesia[ii] ma maageen

Haddaan midig la siinin

Ducaysane Wiilkayow

Ereyada: Maxamuud Tukaale Cismaan
Luuqda: Xasan Aadan Samatar

Ducaysane wiilkayow
Anoo dan yar baan ku dhalay
Dabadeed waxaan galay askari
Anoon weligey dallacin iyo
Dablaan kugu soo korshay
Qeerkey wuxuu duunyo yeeshay
Asaaggey daaro jeexday
Adaan kugu daalay aabbe
Dartaa halkagankaan u maray
Rabbigey iguma darraanin
Durbaan guushii hayaa

Haddii Dabkii Dhaxmoodo

Erayada: Xasan Sheekh Muumin[i]

Luuqda: Cabdi Muxumed Ammiin iyo Hibo Maxamed Huddoon (Hibo-Nuura)

Cabdi Muxumed

Doc kastoo la eego

Noloshu dunidu waa dabkee

Hadduu dabkii dhaxmoodo

Maxaa lagu diiriyaa?!

Waa tilmaan la daahoo

Degdeg ku ma habboone

Adoo deggan u fiirsoo

Ujeeddada i deeqsii

Cidna Eersan Maayee (Cabashiyo Caloolyow)

Erayada: Cabdillaahi Cabdi Shube[i]

Luuqda: Maxamed Saleebaan Tubeec

Cabashiyo caloolyow

Ciil kaama bi’iyaan

Talo cayn wareegtana

La is ku ma canaantee

Caqli iyo hubsiinaa

Cidhib looga aayaa

Cidna eersan maayee

Dhayal Looma Heesee

Erayada: Axmed Saleebaan Bidde

Laxanka: Xudaydi iyo Maxamed Mooge

Luuqda: Maxamed Mooge Liibaan

Dhayal loo ma heesee

Dharaartii aan ku caashaqay

Ee aad dhibtaadiyo

Igu dhalisay hawlahan

Dhulkan oo gu’guu da’ay

Dhinacyadan Maqaaddiish

Dhanka midig baddii tahay

Bidixduna dhir iyo doog

Ciiddan dhabaq guduudka ah

Ee Dhiin lo’deenniyo

Geeluba ku dhaaddamo

Iyo ubaxa dhaadheer

Miyaad ka la dhex taagnayd!

Nin Ku Siray Wax Kuu Sheeg

Miraha: Maxamuud Cabdullaahi Ciise (Singub)

Luuqda: Kooxda Waaberi? (Saynab Cige, Salaad Darbi, Magool iyo Tubeec)

Saynab

Maxaa siro la qeybsaday

Safsaf laysku kala maray

Siraad laysu wada shiday

Laysa sogordahaayaa

Lays wada sabaayaa

Salaanaan niya ahayn

Gacma la isa saaraa

Laysu soo dhoweeyaa

Runta laga siqaayaa

Beenta sacabka loo tumay

Sida Sida

Erayada: Cabdiqaadir Cali Cigaal

Luuqda: Tubeec iyo Magool

Tubeec

Sida geed caleen loo
Ubax wada casaadiyo
Cosob iyo barwaaqo leh
Cirka mood ku taalliyo
Sagalkii cadceeddaay
Adigay cajebiyoo
Caaway naftaydii
Dhib ka caafimaaddee
Waa in aynu ciidnaa

Hayga Goosan

Erayada: Jaamac Saleebaan Tubeec

Laxanka: Jaamac Saleebaan Tubeec

Luuqda: Aamina Fayr Xuseen iyo Maxamed Saleebaan Tubeec

Aamina Fayr

Galalowsin meel ay

Galowgiyo ugaadhii

Geesaha ka dhaafeen

Aday gogoli kuu taal

Galladdayda dhaaxaan

Geed iyo hadh jiifee

Hayga goosan caawaad

Iga gacan sarraysaa

Sida Jaawa Geel

Ereyad: Cabdulqaadir Xirsi Siyaad (Yamyam)*

Luuqda: Maxamad Saleebaan Tubeec

Sida jaawa geeloo

Jiilaal abaar iyo

Jeel iyo harraad helay

Xalay jeleledkaygii

Jaarkaa ku toosoo

Kaa jiifi waayoo

Adiguna ma joogtide

Ma waxaad is oo jirin

Markaan iilka jiifsado

Ee jahada lay dhigo?