Ducaysane Wiilkayow

Ereyada: Maxamuud Tukaale Cismaan
Luuqda: Xasan Aadan Samatar

Ducaysane wiilkayow
Anoo dan yar baan ku dhalay
Dabadeed waxaan galay askari
Anoon weligey dallacin iyo
Dablaan kugu soo korshay
Qeerkey wuxuu duunyo yeeshay
Asaaggey daaro jeexday
Adaan kugu daalay aabbe
Dartaa halkagankaan u maray
Rabbigey iguma darraanin
Durbaan guushii hayaa



Markaad dugsi sare dhammaysay
Adoon dibadda u hiloobin
In aad daljir daafac noqoto
Haddaad dooratood jeclaatay
Ducaan kuu hibeeyay aabbe

Adduunkaa intaad dul joogto
Darajo yaryaraysi ma lahee
Hadduu Rabbi kuugu deeqo
Ha noqon doqon kibir ku faana
Dammane yaan lagugu xaman
Dulqaad weligaa lahow
Dadkaad xukuntana tixgeli
Sharciga daacad u ahow

Ha diidine amarka raac
Dalkaaga nafta u hibee
Waxaan danta guud ahayn
Ducaysane kuguma ogi
Murtidu duugoobi maysee
Adigiyo inta kula da'daa baan
Dardaaran idinka dhigayaa

Heeso Kale oo Qoraal ah