Sida Sida

Erayada: Cabdiqaadir Cali Cigaal

Luuqda: Tubeec iyo Magool

Tubeec

Sida geed caleen loo
Ubax wada casaadiyo
Cosob iyo barwaaqo leh
Cirka mood ku taalliyo
Sagalkii cadceeddaay
Adigay cajebiyoo
Caaway naftaydii
Dhib ka caafimaaddee
Waa in aynu ciidnaa

Magool

Geesigaan cadaawaha
Cududdiisa xoogga leh
Ka ga ciil baxaayow
Iskastoon cabbaar iyo
Muddo ka la cillaalayn
Calaf baan sugaynoo
Caaway nafteennii
Dhib ka caafimaaddee
Waa in aynu ciidnaa

Tubeec

Sida cadarka roobkoo
Dhul cagaarle helayoo
Ciiddii rusheeyay
Cishqi soo darrooraa
Calooshayda jiifoo
Xareedda i cabsiiyoo
Caaway naftaydii
Dhib ka Caafimaaddee
Waa in aynu ciidnaa

Magool

Adba curad i deeqiyo
Waxaa tahay mid caanoo
Cid loo dhigo la waayee
Ragga ciidda joogana
Adigay cajebiyoo
Adigaa ka caanoo
Caaway nafteennii
Dhib ka caafimaaddee
Waa in aynu ciidnaa