Badda Caashaqa

Erayada: Maxamed Cumar “Huryo”

Laxanka: Axmed Gacayte Yuusuf

Luuqda: Sahra Axmed Jaamac

Badda caashaqeen gudhin

Een cidi ka soo bixin

Aday baraye ma og tahay!

Kolkii aan barriinsaday

Ka baxdaye maxaa dhacay

Beenaysay wacadkii! 

Nabsi waa ma baaqdee

Adoo baahan la arkee

Ina’n kuu badheedhee

Adigoo bukoodoo

Bogsadaana hawl yarayn

Bir ku goysayeey

Aheey! barashadeennii

Buuqiyo walaaciyo

Beerkayga lahashada

Adaa badaye ma og tahay;

Kolkuu bixiyay laamaha

Uu baahay adigaa

Bar xun igaga leexdee!

Nabsi waa ma baaqdee

Adoo baahan la arkee

Ina’n kuu badheedhee

Adigoo bukoodoo

Bogsadaana hawl yarayn

Bir ku goysayeey

Aheey! barashadeennii

Buuqiyo hammiga iyo

Boholyowga xiisaha

Aday baraye ma og tahay;

Kolkuu belalay ololkii

Meel baaxadsooraa

Beryo igaga baydhee!

Nabsi waa ma baaqdee

Adoo baahan la arkee

Ina’n kuu badheedhee

Adigoo bukoodoo

Bogsadaana hawl yarayn

Bir ku goysayeey

Aheey! barashadeennii

Heeso Kale oo Qoran