Muqdisho (Xamar Waa Madhaafaan)

Ereyada: Yuusuf Aadan Allaale

Laxanka: Cabdikariin Faarax Qaarrey (Cabdikariin-Jiir)

Luuqda: Hibo Maxamed Nuur Huddoon (Hibo-Nuura)

Maskax lagu dadaaliyo

Illeen garasho waa maan

Muruq lagu shaqeeyiyo

Illeen quruxi waa maal

Murtiyey ma guuraan

Taariikh la soo maray

Sheekaa macneysee

Xamar waa madhaafaan

Waana lagama maarmaan

Maalkii dalkeenniyo

Kartidii midnimadaan

Labadaba ku miisnoo

Marsadiyo baddeediyo

Hawdkaa isku muuqdoo

Xamar waa madhaafaan

Godobtayda La Carrow (Gudgude)

Magaca: Godobtayda La Carrow (Gudgude)

Erayada: Cali Cilmi Aflow

Laxanka: Aweys Abuukar Nuur (Goobbe)?

Luuqda: Xasan Aadan Samatar

Siduu yahay gudgude roob

Gaydhiyo dabayl badan

Ban aan geed lahayniyo

Dhul gelgelina kaa helay

Jacayl igu gadaantoo

Markuu ganafka heeryada

Guudka iga saaray

I gurguriyay caashaqu

Ee uu gibishu igu xidhay

I garwaaqsan waydoo

Gacanta igu saydhee

Anna gooha reenkiyo

Gocoshada ma daayee

Meel ay ku gaysaba

Godobtayda la carrow

Cududdayda Sii Daa

Erayada: Cali Cilmi Aflow

Laxanka: Aweys Abuukar Nuur (Goobbe)?

Luuqda: Xasan Aadan iyo Sahra Axmed

Xasan

Canabkoo magooliyo

Carguduudda midhihiyo

Cosobiyo dhul baad laay

Lagu mood cirjiidheey

Casar roob darrooroo

Ay cadceeddu qabatiyo

Calcalyada xareeddee

Midabkaagan ciidkee

Caashaqa u sahanaa

Niyadaydi cugataye

Ku calmadaye ma og tahay?

Sida Goray Dhashiisii

Erayada: Yuusuf Xaaji Aadan Cilmi Qabille

Luuqda: Maxamed Axmed Kuluc

Sida goray dhashiisii
Meel bannaan dhigay
Dhoolkii hillaacaba
Soo dhababaceeyoo
Dhibicii ku hooraba
Baalasha uga dhigayaan
Dhibaatada adduunyada
Adna kaaga dhawraa

Sida Geed Caleen Loo

Erayada: Axmed Saleebaan Bidde

Laxanka: Maxamed Axmed Kuluc

Luuqda: Maxamed Axmed Kuluc

Sida geed caleeniyo
Ubax guudka qariyeen
Ooy gooni laamaha
Ay midiba geesteed
Hoobaan is gaadhiyo
Guntin midho ah leedahay

Oo soo gandoodoo
Galka faraqa soo daray

Oo godan barwaaqaa
Durdur aan go’ayniyo
Gacan webi ku yaalla

Oon gu iyo jiilaal
Midab guurin baad too

Dhalanteed

Erayada: Maxamed Cali Kaariye

Laxanka: Bashiir Xaddi

Luuqda: Xasan Diiriye Faarax iyo Hibo Maxamed Huddoon (Hibo-Nuura)

Xasan Diiriye

Nimuu dhabarku jaban yahay

Dhaqdhaqaaqi maayee

Sidaan dhawr habeen qaday

Dhafoorradu i jiidmeen

Waa dhaawacaagii

Waxan aan la dhuubtee

Markii ana ku dhawraba

Dhib baa ii kordhaysee

Laalays

Erayada: Xasan Sheekh Muumin

Luuqda: Hibo Maxamed Huddoon (Hibo-Nuura)
Laxanka: Cabdikariin Faarax Qaarrey (Cabdikariin-Jiir)

Laalays dusheediyo

Laag iyo xaraar dheer

Laan gebi ku taallooy

Lulayaan dabayluhu

Xiisaha ku laalane

Kalgacaylkii lumiyee

Loxoskii ku dumiyee

Guurkii luggooyee

Leef oo ha liqintaa

Lurka ii horseeddee

Laabtaydaneey

Lululka iga daa!

Cabdow Berisamaad (Sheeko Baraley)

Ereyada: Cabdiqafaar Ciise Cagoole

Luuqda: Khadra Daahir Cige

Inuu beer jacayloo

Kalgacayl ku baahiyo

Hadallada baroortii

Boogaha damqinayaan

Kugu baabay maqallay

Baxnaanadu siday tahay

Miyaad weli bestaa tahay

Allahayow ku sama bixiyeey

Bal aan Kula Dardaarmo

Erayada: Cismaan Aadan Xuseen (Cismaan-Askari)

Luuqda: Xasan Aadan Samatar iyo Sahra Axmed Jaamac

Sahra

Dawadii naftaydow

Bal aan kula dardaarmee

Dabuubtaan ku lee yahay

Ku daabaco qalbiga oo

Weligaa ha sii deyn

Carro'edeg

Erayada: Muuse Cali Faruur

Laxanka: Xuuxuule (nin hilible ahaan jiray buu ahaa)

Luuqda: Sahra Axmed Jaamac

Cosob raadi geeluba

Mar buu ciin ku daaqaa

Caadh iyo xadhaadh loo

Anna ciilka kama koro

Mana daayo caashaqa

Cabashana ma waayee

Kii aan calmadayeen

Carro'edeg ka doortaa

I mariyay ceebtaa

Tooga

Erayada: Axmed Saleebaan Bidde

Laxanka: Maxamed Cige Warsame (Ilbir)

Luuqda: Maxamed Saleebaan Tubeec iyo Faadumo Cabdillaahi Kaahin (Maandeeq)

Tubeec

Ninkan caashaqu taabay

Uu tallaabo u diiday

Waxan uu tabanaayo

Adigow tari laaye

Inta aad jar ka tuurtay

Sow u maad tudhi waayin

Googgaa

Ereyo: Maxamed Aadan Dacar

Luuq: Sahra Axmed Jaamac; Cabdulqaadir Cumar Macallin (Jubba); Aamina Cabdillaahi Xirsi; Axmed Mooge Liibaan.

Sahra iyo Aamina:

 googgii, googgii, googgii googgii.

Jubba iyo Mooge:

 cigalle, cigalle cigalle cigalle.

Sahra:

 googgaa, googgaa, googgaa googgaa.

Jubba:

 cigalle, cigalle cigalle cigalle.

Markaan Da'da Jiray 15

Curin: Barre Maxmed Fiidow

Laxan: Barre Maxmed Fiidow

Luuq: Xasan Aadan Samatar

Cajabeey Cajiibeey

Erayada: Maxamed Ibraahin Warsame (Hadraawi) 

Laxanka: Cabdikariin Faarax Qaarrey (Jiir)

Luuqda: Maxamed Saleebaan Tubeec