Sida Jaawa Geel

Ereyad: Cabdulqaadir Xirsi Siyaad (Yamyam)*

Luuqda: Maxamad Saleebaan Tubeec

Sida jaawa geeloo

Jiilaal abaar iyo

Jeel iyo harraad helay

Xalay jeleledkaygii

Jaarkaa ku toosoo

Kaa jiifi waayoo

Adiguna ma joogtide

Ma waxaad is oo jirin

Markaan iilka jiifsado

Ee jahada lay dhigo?

Dhoof

Erayada: Maxamed Cali Kaariye

Laxanka: Xasan-Garayd?

Luuqda: Maxamed Axmed Kuluc iyo Xaliimo Cumar Khaliif (Magool)

Kuluc

Jacaylkan i dhaawacay

Jacaylkan i dhalanrogay

Jacaylkan i dhaansaday

Jacaylkii dhabta ahaa

Soo dhowaatay halistii

Haddaad iga dhaqaaqdee

Bal inaan ku dhiirrado

Dhexdaan xidhanayaa

Malmal baan dhitaysanee

Dhoof nooli kulantee

Ha dhantaalin caashaqa

Dhakhso iigu soo noqo

Baddu in ay Madow Dahay

Erayada: Cabdi Cali Wayd

Laxanka: Axmed Cali Cigaal?

Luuqda: Axmed Cali Cigaal

Baddu in ay madow dahay

Biyo tahay ma og tahay!

Boodhariba caashaqu

Batalaale inuu dhiguu

La soo booqdo ma og tahay

Anna inaan riyada baas

Badhtamaha habeenkii

Barkimadan ku moodoon

Beerka saaro ma og tahay

Baydhabo Ma Gaadhaa

Ereyada: Cabdalla Nuuraddiin Axmed

Luuqda: Cumar Dhuulle Cali

Nin jacaylku beerkiyo

Kala jaray boggiisoo

Baadidoona baan ahoo

Waan kula ballami laa

Beryo hadalka qaaddaa

Miyaad beledka dhaaftaa

Dhulka kale u badan tahay

Baydhaba ma gaadhaa

Madaxeen Bannaan

 Erayada: Ismaaciil Sheekh Axmed (Cagaf)

Laxanka: Cabdillaahi-Qarshe

Luuqda: Maxamed Saleebaan Tubeec

Waa mahad Allee

Maantaba dunida

Ka mid baynu noo

Madaxeen iyo

Mijaheen bannaan

Waa mahad Allee

Madaxeen bannaan

Waan Soo Baraarugayaa (Baraarug)

Erayada: Maxamed Cali Kaariye

Luuqda: Khadra Daahir Cige

Waan soo baraarugayaa

Badhtamaha habeenkii

Weli beerka xuunshadu

Waa kaa babbanayee

Bestay weeyee cudurkii

Waygu sii ballaadhee

Boholyow ma daayee

Naftayda aan badbaadshee

Cidhiblaay Walaal

Erayada: Cabdi Aadan Xaad (Cabdi-Qays)

Luuqda: Axmed Mooge Liibaan iyo Xaliimo Aw Cabdi Saraar

Xaliimo

Curuuqdiyo lafaha

Culays saaranoo

Ceejiyaad tahee

Mooge

Ilaah Caaddilee

Ciidda ka khalqee

Cadka kaa dhigee

Calool kugu korshaa

Ku culaysiyee

Anu ku ma caddibin

Cagta Saar Waddada

Ereyada: Maxamed Aadan Dacar

Luuqda: Cumar Xasan Rooraaye & Qamar Cabdillaahi Harawo

Rooraaye

Waxaan ahay nin caanoo

Cilmi iyo aqoon loo

Cirka iyo dayaxa tagay

Ilbaxnimada culus iyo

Cid kastaba yaqaanoo

Ciiddaa kala shubaayee

Aan cadceedda samada iyo

Caadda ku geeyee

Caawa ila garo

Caashaqu hadduu jiro

Adaan calankaa

Calanku ii kaa dul sudhan yahee

Aan wada ciyaarnee

Hadal haygu sooc ellin

Sida Laamalooshaha

Erayada: Mustafe Sheekh Cilmi  
Laxanka: Saalax Qaasin
Luuqda: Khadra Daahir Cige

Sida laamalooshaha
Dabayluhu ay lulayaan
Ayaan laydha caashaqa
U la labalegdoodaa
 

Sida Canabka Beeraha

Erayada: Maxamuud Maxamed Yaasiin (Dheeg)

Laxanka: Xasan Sabriye Afrax (Xasan-Gareyd)

Luuqda: Maxamed Axmed Kuluc iyo Xaliimo Cumar Khaliif (Magool)

Sida canabka beeraha

Ama kayn caleenliyo

Dhul cagaarku siman yahay

Caad iyo Garloogubay

Cosobkii ku yaalloo

Cawshu gaardiyaysoo

Cidi daaqin baad tee

Sida Faras Xullaaloo

Ereyada: Ismaaciil Sheekh Axmed (Ismaaciil-Cagaf)

Luuqda: Cabdi Tahliil Warsame

Sida faras xullaaloo
Aan xaaluf aragoo
Nugaal xayska daaqoo
Baruur dhabarku xoodmoo
Ama Xallin fadhiyayoo
La xannaanin jirayoo
Xuddunta iyo feedhaha
Farawguu xardhoo
Oo xuub dhacsadayoo
Sayntu dhulka xaabtoo
Oo aan xajiiniyo
Weli mudan xas iyo duur
Oo xariirta shaalkiyo
Xakamihii la sudhayoo
Koore loo xambaaroo
Xog’ogaale fuuloo
Oo xuufka booddada
Xawaarada la yaaboo
Oon orodka xiiqayn
Qaar baa xarraamee
Marka aan xaggaagiyo
Xubnahaaga eegaba
Xiisoodayeey
Xadantoodayeey
Xoodaantayeey

Anigoo Beledxaawo Jooga (Beledxaawo)

Ereyada: Yuusuf Aadan Allaale

Luuqda: Binti Cumar Gacal

Laxanka: Cabdi Tahliil Warsame

Barbaarta yarkaan ka eegtay

Wiilkii isha iigu baaqay

Inankii caashaqa aan beernay

Anigu baaq baan ku raacay

Anigoo Beledxaawo jooga

Muxuu Bari iiga yeeray

Kolkaan Boosaaso gaadhay

Muxuu  Burco iiga heesay

Anoo Beer sii maraaya

Hadduu badda Boyn[1] ka raacay

Inuu been ila jilaayay

Adaa Boqorow ogaaye

I bixiyoo iga badbaadi

Haddaan bogsadoon ka raysto

Sidaan uga booday caashaq

Jacaylba haddaan u booyo

Haddaan nin dambow baroorto

Haddaan Baxsanow iraahdo

Aniga balaayaba hayga raacdo

Haatuf Igu Dhawaaqyeey (Haatuf)

Erayada: Cismaan Aadan Xuseen (Cismaan-Askari)

Luuqda: Sahra Axmed Jaamac iyo Xasan Aadan Samatar

Sahra

Haatuf igu dhawaaqyeey

Dharaartu habeen ii tahayeey

Hurdadu soojeed ii tahayeey

Hadhkayguna adiga uu yahayeey

Oo aan haabhaabto ma og tahayeey

Dabadeed ku hungoobo ma og tahay

Boodhari Sidiisii

Erayada: Axmed Aadan Xuseen (Axmed-Masri)

Luuqda: Maxamed Nuur Giriig

Jacayl waa belaayoo

Waa baaxadsooroo

Waa anigan besteeyee

Markaan Bilan helaa buu

Iga bi’i la’aayoo

Ayadaa i bogsiisoo

Bar wadnaha ku taalloo

Igu baahday weeyee

Boodhari sidiisii

Barashada jacaylkana

Ayadaa igu beertoo

Ismoodsiis

Erayada: Maxamed Cumar (Huryo)

Luuqda: Muuse Ismaaciil Qalinle iyo Faadumo Cabdillaahi Kaahin (Maandeeq)

Qalinle

Inan yahay mar aan tegay
Miyigoo barwaaqaa
Oon maali jiray ramad
Dhallinyaro is maqashoo
Mirta dhexe ciyaar guda
Oo aan u madax ahay
Markay timi rugtiinnii
Ma aday ahayd xalay
Horta taan la soo maray

Mise waa ismoodsiis
Oo maluhu waa been
Masalada ujeeddadu!