Cunnaabi

Erayada: Ibraahin Ismaaciil “Cirrasuge”

Luuqda: Muuse Ismaaciil Qalinle iyo Saado Cali Warsame 

 

Qalinle

 

Cirguduudda waagiyo 

Himirtoo casaatiyo 

Canabkoo bislaadiyo 

Cillal rays ku baxayeey

Kalgacaylku Waa Qani

Erayada: Cabdillaahi Diiriye Sooraan

Laxanka: Saalax Qaasin Naaji

Luuqda: Hibo Maxamed (Hibo-Nuura)

Hibo-Nuura

Kalgacaylku waa qani

Caashaqa ka qara weyn

Qurux iyo wanaag badan

Waana shay ku qaaliya

Qiimaynta aadmiga;

Labada is la qaaddana

Qalbigooda ka ma go’o

Waxa’n igaba kaa qaban

Kuu quudhi maayee!

Guuleed Ma Joogaa?

Luuqda: Xasan Aadan Samatar
Ereyada: Cabdulqaadir Xirsi Siyaad (Yamyam)
Laxanka: Cabdikariin Faarax Qaarrey (Cabdikariin-Jiir)

Xalay gelin dhexaadkii
Mar aan mayrac guuraha
Sheedda guriga faalalay
Oon himilo gaar ah iyo
Dayaxoon galsho lahayn
Ilayskiisa galalacay
Sida goonni daaq cawl
Gaafmeeray socodkii

Waan Heesayaayee

Ereyada: Xuseen Aw Faarax Dubbad
Codka: Maxamad Saleebaan Tubeec

Waan heesayaayee
Sannad waliba hoodiyo
Hawl iyo dhibaatiyo
Wuxuu hadimo lee yahay
Waa laga helaayoo
Hadhow lagu xusuustaa
Kii noo hagaagee
Noqo loo han weyn yahay

Sida Canabka Beeraha

Erayada: Maxamuud Maxamed Yaasiin (Dheeg)

Laxanka: Xasan Sabriye Afrax (Xasan-Gareyd)

Luuqda: Maxamed Axmed Kuluc iyo Xaliimo Cumar Khaliif (Magool)

Sida canabka beeraha

Ama kayn caleenliyo

Dhul cagaarku siman yahay

Caad iyo Garloogubay

Cosobkii ku yaalloo

Cawshu gaardiyaysoo

Cidi daaqin baad tee

Anigoo Beledxaawo Jooga (Beledxaawo)

Ereyada: Yuusuf Aadan Allaale

Luuqda: Binti Cumar Gacal

Laxanka: Cabdi Tahliil Warsame

Barbaarta yarkaan ka eegtay

Wiilkii isha iigu baaqay

Inankii caashaqa aan beernay

Anigu baaq baan ku raacay

Anigoo Beledxaawo jooga

Muxuu Bari iiga yeeray

Kolkaan Boosaaso gaadhay

Muxuu  Burco iiga heesay

Anoo Beer sii maraaya

Hadduu badda Boyn[1] ka raacay

Inuu been ila jilaayay

Adaa Boqorow ogaaye

I bixiyoo iga badbaadi

Haddaan bogsadoon ka raysto

Sidaan uga booday caashaq

Jacaylba haddaan u booyo

Haddaan nin dambow baroorto

Haddaan Baxsanow iraahdo

Aniga balaayaba hayga raacdo

Dhalanteed

Erayada: Maxamed Cali Kaariye

Laxanka: Bashiir Xaddi

Luuqda: Xasan Diiriye Faarax iyo Hibo Maxamed Huddoon (Hibo-Nuura)

Xasan Diiriye

Nimuu dhabarku jaban yahay

Dhaqdhaqaaqi maayee

Sidaan dhawr habeen qaday

Dhafoorradu i jiidmeen

Waa dhaawacaagii

Waxan aan la dhuubtee

Markii ana ku dhawraba

Dhib baa ii kordhaysee

Laalays

Erayada: Xasan Sheekh Muumin

Luuqda: Hibo Maxamed Huddoon (Hibo-Nuura)
Laxanka: Cabdikariin Faarax Qaarrey (Cabdikariin-Jiir)

Laalays dusheediyo

Laag iyo xaraar dheer

Laan gebi ku taallooy

Lulayaan dabayluhu

Xiisaha ku laalane

Kalgacaylkii lumiyee

Loxoskii ku dumiyee

Guurkii luggooyee

Leef oo ha liqintaa

Lurka ii horseeddee

Laabtaydaneey

Lululka iga daa!

Cabdow Berisamaad (Sheeko Baraley)

Ereyada: Cabdiqafaar Ciise Cagoole

Luuqda: Khadra Daahir Cige

Inuu beer jacayloo

Kalgacayl ku baahiyo

Hadallada baroortii

Boogaha damqinayaan

Kugu baabay maqallay

Baxnaanadu siday tahay

Miyaad weli bestaa tahay

Allahayow ku sama bixiyeey

Bal aan Kula Dardaarmo

Erayada: Cismaan Aadan Xuseen (Cismaan-Askari)

Luuqda: Xasan Aadan Samatar iyo Sahra Axmed Jaamac

Sahra

Dawadii naftaydow

Bal aan kula dardaarmee

Dabuubtaan ku lee yahay

Ku daabaco qalbiga oo

Weligaa ha sii deyn

Carro'edeg

Erayada: Muuse Cali Faruur

Laxanka: Xuuxuule (nin hilible ahaan jiray buu ahaa)

Luuqda: Sahra Axmed Jaamac

Cosob raadi geeluba

Mar buu ciin ku daaqaa

Caadh iyo xadhaadh loo

Anna ciilka kama koro

Mana daayo caashaqa

Cabashana ma waayee

Kii aan calmadayeen

Carro'edeg ka doortaa

I mariyay ceebtaa

Tooga

Erayada: Axmed Saleebaan Bidde

Laxanka: Maxamed Cige Warsame (Ilbir)

Luuqda: Maxamed Saleebaan Tubeec iyo Faadumo Cabdillaahi Kaahin (Maandeeq)

Tubeec

Ninkan caashaqu taabay

Uu tallaabo u diiday

Waxan uu tabanaayo

Adigow tari laaye

Inta aad jar ka tuurtay

Sow u maad tudhi waayin

Googgaa

Ereyo: Maxamed Aadan Dacar

Luuq: Sahra Axmed Jaamac; Cabdulqaadir Cumar Macallin (Jubba); Aamina Cabdillaahi Xirsi; Axmed Mooge Liibaan.

Sahra iyo Aamina:

 googgii, googgii, googgii googgii.

Jubba iyo Mooge:

 cigalle, cigalle cigalle cigalle.

Sahra:

 googgaa, googgaa, googgaa googgaa.

Jubba:

 cigalle, cigalle cigalle cigalle.

Markaan Da'da Jiray 15

Curin: Barre Maxmed Fiidow

Laxan: Barre Maxmed Fiidow

Luuq: Xasan Aadan Samatar

Cajabeey Cajiibeey

Erayada: Maxamed Ibraahin Warsame (Hadraawi) 

Laxanka: Cabdikariin Faarax Qaarrey (Jiir)

Luuqda: Maxamed Saleebaan Tubeec