Digarogasho

Erayada: Maxamed Ibraahin Warsame “Hadraawi”

Laxanka: Cabdikariin Faarax Qaarrey "Jiir"

Luuqda: Maxamed Mooge iyo Shankarroon Axmed “Sagal”

Mooge

Jidhku wuxu dubaaxshaa

Damqadaa halbawluhu

Xididdadu darrooraan

Ama dhiigga daadshaan

Afku hadalka daayaa

Dibnihiisa haystaa

Doqon kaa nasiib lihi

Marka ay ku dooxdee

Birta kaala daashee

Kuu celiso daabkee;

Waxay doodi furan tahay

Ruux kuu darraan jiray

Marka aad ku digatee

Xaqu kuu dulleeyee 

Dirirrada

Erayada: Cismaan Cumar Cambuur (John)

Laxanka: Axmed Gacayte Yuusuf

Tumidda: Cabdinaasir Macallin Caydiid

Luuqda: Axmed Gacayte Yuusuf

Durdurradii Dharyaa iyo

Dirirrada afkoodii
Tuurta dacalladeediyo

Marka Jeexdin loo dego

Yoondheere daad maray

Degmadeenna oo taal

Dalxiis aan u aadnoo

Aqal laba daryaalaa

Dadabteenna lagu xidhay

Deeqaay ku geeyoo

Dermo aynu dhigannee

Sow u ma diyaar tihid!

Siddiqabax!

Erayada: Axmed Saleebaan Bidde

Laxanka: Axmed Saleebaan Bidde?

Luuqda: Maxamed Ismaaciil Sh Axmed “Aburaas” iyo Sahra Axmed Jaamac

Aburaas

Haddii ruux jacayl sigo

Sahwi waa walaalee

Sidrigaygan damaqdee

In kastoonan sababtii

Sidaan kuugu imi beri

Si wacan kuugu garanayn;

Axaddii — Maxamed Mooge

Erayada: M. I. Warsame “Hadraawi”

Laxanka: Cabdikariin F. Qaarrey “Jiir”

Luuqda: Maxamed Mooge Liibaan

Waa la ii addimay

Axaddii sidaan

Kuu eegayee

Araggeeda tii aan

Ku ildoogsadaay

Ma illowsan tahay

Axdigii aad martiyo

Meeshii aad i tidhi

Waan imanayaa?

Ma La Dhuubtay Awgaa

Erayada: Cabdillaahi Cabdi Shube

Luuqda: Xuseen Yuusuf Tarabbi iyo Maryan Mursal Ciise 

Xuseen

Igu dheer e inantani

Waa taan dhursugayee

Dhuuniga u diidee

Hurda uga dhaqaaqee

Dheeheeda midabka le

Waa mid loo dhammeeyoo

Maba kala dhantaalnee

Diiggaa Habeenkii

Erayada: Maxamed Cumar “Huryo”

Laxanka: Axmed Gacayte Yuusuf

Luuqda: Maxamed Axmed Kuluc

Diiggaa habeenkiyo

Markuu waagu daalaco

Duryamood ogsoontoo

Daxayoo badh kaga maqan

Dabuubta uga yeedha;

Diinkuna ma dhuunyado

Dareemada abaartoo

Afka wuu u diidaa

Hadduu gugii ku daaqee

Jibin — Maandeeq

Erayadii: Cabdillaahi Diiriye Sooraan

Laxanka: Cabdillaahi Diiriye Sooraan  

Luuqda: Faadumo Cabdillaahi Kaahin “Maandeeq”

Ma jin baa ma jaan baa?

Mise jahawareer bay

Arrintaydu joogtaa?

Sow kan jarihii aan waday

Dhan kale u janjeedhsaday

Guryasamo Allahayow

Erayada: Maxamed Cali Kaariye

Laxanka: Xasan-Gareyd

Luuqda: Maxamed Saleebaan Tubeec iyo Faadumo Cabdillaahi Kaahin “Maandeeq”

Tubeec

Garashiyo wanaag gudubtaye

Gacal iyo xigaal goysaye

Geedkii jacaylka

Guntii baad ka jartee

Guryasamo Allahayow

Geestii roon Allahayow

Gacantu Raaxo Daranaa

Erayada: Xasan Xaaji Cabdillaahi “Ganey”

Laxanka: Axmed-Nuur Jaangow

Luuqda: Aamina Cabdillaahi Xirsi

Galow taah gu’ madaxii

Goohyoo “galaa yimi?”

Guugguule faal dhigay

Garan waa minka u baxay

Misna baalasha is goo;

Ha Ku Daalin Jeedaal

Erayada: Cabdi Aadan Xaad (Qays)

Laxanka: Maxamed Axmed Kuluc

Luuqda: Maxamed Axmed Kuluc

Waxaad jeceshay la ma helo

Naftaydaay!

Wax ku jecelna diiddee

Ma og tahay Jannada udug

Nimaan jirrib u soo marin

Sahal la ma dhex joojee!

Masalooy

Erayada: Maxamed Cumar “Huryo”

Laxanka: Saalax Qaasin Naaji

Luuqda: Khadra Daahir Cige

Masalooy masalooy

Danteennii murugtay baan

Maxaadh ku luuqayaa

Markaan talo meel dhigaba

Maxaad u maroorisaa

Muranka horta kuugu wacan?

Dhirtu waxay la ciirtaa

Erayada: Cismaan Aadan (Askari)

Luuqda: Sahra Axmed Jaamac

Dhirtu waxay la ciirtaa

Dhulku qaadi waayaa

Dhagaxuna ka ooyaa

Baddu dhiig ilmaysaa

Cirku dhibica daayaa

Ballan ruux intuu dhigay

Dhayalsaday dabeedoo

Wacadkiina dhaafee!

Hibooy (Gacanlow iyo Magool)

Erayada: Saxardiid M. Jebiye

Luuqda: Cismaan Cabdikariin (Gacanlow) iyo Xaliimo Cumar Khaliif (Magool)

Gacanlow

Hiboy hunguri in uu wadkaa yahoo

Hadduu ku haleelo kula hadha oo

Heddaada jaraayo ma og tahay?

Ma Dadkii Kitaabkiyo

Erayada: Cabdiqaadir Xirsi ‘Yamyam’

Laxanka: Cabdikariin F. Qaarrey “Jiir”

Luuqda: Cumar Cabdulle Nuur

Dusha timaha guudkee

Dib u dhaafay adhaxdiyo

Dibna-hadalka-qaadmada

Ilka dabar cad kaga yaal

Dib markaan u fiirsado

Fanax yara 'damuuqsiye?'

I dishaye cabbaaryada

Is la gaaray dacallada

Degga labada garab iyo

Waaxyaha dushooda

Dan-dhaqaaqa laafyaha

Dadyow anigu yaabaye!

Jacaylkaa Dhiggiisoo

Erayada: Ciise-Ganey

Laxanka: Cabdikariin-Jiir

Luuqda: Xasan Aadan Samatar

Ilmo dhawr habeen jiray

Haddaan waalidkii dhalay

Dhibaatada ka celinoo

Hayga dhicin ha dheelliyin

Dhabta waayo lagu hayn

Inta uu dhammays noqon

Dhakhso u ma koraayoo

Dhici mayso qayrkii

Inu dhinac istaagee;

Jacaylkaa dhiggiisoo

Dhaqaalaha u baahane

Waa in la is la dhawraa

Haddii kale se lagu dhimay!

Gorayo

Erayada: Xasan x. Cabdillaahi (Ganey)

Luuqda: Xasan Aadan Samatar

Caashaqani muxuu gabay

Laba guusha wada jecel

God muxuu ku kala riday

Laba guur isku ogaa

Geerida mid yidhi ‘hoo’

Dhoof Caashaq

Erayada: Maxamed Cali Kaariye

Laxanka: Cabdikariin Faarax Qaarrey (Jiir)

Luuqda: Xasan Aadan Samatar

Jacayl aan dhammaan baa

Dhexda iigu maranoo

Kii horaa i dhaawacay

Kanna waygu dhaatee;

Dhabbuhuu ka foofiyo

Dhib u qaad miyaan ahay

Dharaaraba wax yaab laa

Igu soo dhacaayee! 

Ubaxii Baxaayaay!

Erayada: Cabdi Aadan Xaad (Cabdi-Qays)

Laxanka: Cabdi-Qays?

Luuqda: Maxamed Warsame Qaasaalli

Ilaaheenna weyn baa

Amarkiisu fulayaa

Inaad adigu talisaad

Ayaamahan is mooddee;

Anoo oon kalgacal qaba

Waadigii abaallaay

Iga awtay dhegahee …

Haddii Aanan Dhulkaygow

Erayada: Axmed Saleebaan Bidde

Laxanka: Axmed Saleebaan Bidde

Luuqda: Muuse Ismaaciil Qalinle

Haddii aanan dhulkaygow

Dhuux cadaawe kuu karin

Haddii aanan dhulkaygow

Dhiig kuugu fooldhaqin

Haddii aanan dhulkaygow

Gobannimada soo dhicin

Soomaali kama dhalan

Maalkaaga maan dhaqan

Caanihiisa maan dhamin

Ciiddana dhab u ma ledin

Wacdaraha Adduunka

Erayada: Maxamed Ibraahin Warsame “Hadraawi”

Laxanka: Cabdikariin Faarax Qaarrey “Jiir”

Luuqda: Maxamed Mooge Liibaan

Walaac anigoo ku seexday

Maxaan walbahaar la toosay

Wareer anigoo la liita

Maxaan werwer jiifi waayay;