Guryasamo Allahayow

Erayada: Maxamed Cali Kaariye

Laxanka: Xasan-Gareyd

Luuqda: Maxamed Saleebaan Tubeec iyo Faadumo Cabdillaahi Kaahin “Maandeeq”

Tubeec

Garashiyo wanaag gudubtaye

Gacal iyo xigaal goysaye

Geedkii jacaylka

Guntii baad ka jartee

Guryasamo Allahayow

Geestii roon Allahayow

Gacantu Raaxo Daranaa

Erayada: Xasan Xaaji Cabdillaahi “Ganey”

Laxanka: Axmed-Nuur Jaangow

Luuqda: Aamina Cabdillaahi Xirsi

Galow taah gu’ madaxii

Goohyoo “galaa yimi?”

Guugguule faal dhigay

Garan waa minka u baxay

Misna baalasha is goo;

Adduunyada Nin Dhoofiyo

Luuqda: Maxamed Saleebaan Tubeec
Ereyada: Maxamed Cali Kaariye
Laxanka: Xasan-Gareyd (?)


Adduunyada nin dhoofiyo
Ninkii deggen dhulkii hooyo
Nin dhergiyo
Nin dhawr qaday
Aan dheef hayn
Dheddigiyo laboodba
Hawli kama dhammaatee
Qof waliba waxii dhibay
Dhafoorkay ku taallaa
Anna dhaawacaygii
Jacayl dhidibka aastaan
La dheeldheelliyaaye!

Muuniso

Erayada: Saxardiid Maxamuud Jebiye Luuqda: Xaliimo Khaliif Cumar “Magool”
Aammin dumar ma yeeshoo Muuniso aqoon laa Shayddaan afuufee Islaannimo ka gudubtoo Faralkii illawdee Waxaad igu abuurtay Inaad igu illawdo Hadday kula ahaatay Amar Ilaahay weeye Umalka aan la luudo

Guuleed Ma Joogaa?

Luuqda: Xasan Aadan Samatar
Ereyada: Cabdulqaadir Xirsi Siyaad (Yamyam)
Laxanka: Cabdikariin Faarax Qaarrey (Cabdikariin-Jiir)

Xalay gelin dhexaadkii
Mar aan mayrac guuraha
Sheedda guriga faalalay
Oon himilo gaar ah iyo
Dayaxoon galsho lahayn
Ilayskiisa galalacay
Sida goonni daaq cawl
Gaafmeeray socodkii

Jaw Nabadgelyo!

Erayada: Xasan Xaaji Cabdillaahi (Xasan-Ganey)

Luuqda: Xaliimo Cumar Khaliif (Magool)

Ma jir caashaq bay helay

Ma adaa Jardooliyo

Jirdagooye kugu dhacay;

Ma anaa jidiinkiyo

Carrabkaygu jalaq gabay!

Sidaan anigu jecelahay

Adigoo u jeel qaba

Ma jiq bay na kala xiga

Iyo buurtii jamal Qaaf!

Anoo jiifka qaban liyo

Adoo jeegada u yaal

Miyay talaba joogtaa!

Beerkey Adaa ku Weyn

Ereyada:...... ?
Luuqda: Maxamad Aadan Shamuuri

Billow bisinkaa u weyn
Aqoon barashaa ka weyn
Billaahi yaqiin u weyn
Xijaabna burdaha u weyn
Naftayda bar baad tahoo
Jacayl igu biirayaa
Intaa igu baahayee

Ducaysane Wiilkayow

Ereyada: Maxamuud Tukaale Cismaan
Luuqda: Xasan Aadan Samatar

Ducaysane wiilkayow
Anoo dan yar baan ku dhalay
Dabadeed waxaan galay askari
Anoon weligey dallacin iyo
Dablaan kugu soo korshay
Qeerkey wuxuu duunyo yeeshay
Asaaggey daaro jeexday
Adaan kugu daalay aabbe
Dartaa halkagankaan u maray
Rabbigey iguma darraanin
Durbaan guushii hayaa

Cidna Eersan Maayee (Cabashiyo Caloolyow)

Erayada: Cabdillaahi Cabdi Shube[i]

Luuqda: Maxamed Saleebaan Tubeec

Cabashiyo caloolyow

Ciil kaama bi’iyaan

Talo cayn wareegtana

La is ku ma canaantee

Caqli iyo hubsiinaa

Cidhib looga aayaa

Cidna eersan maayee

Dhayal Looma Heesee

Erayada: Axmed Saleebaan Bidde

Laxanka: Xudaydi iyo Maxamed Mooge

Luuqda: Maxamed Mooge Liibaan

Dhayal loo ma heesee

Dharaartii aan ku caashaqay

Ee aad dhibtaadiyo

Igu dhalisay hawlahan

Dhulkan oo gu’guu da’ay

Dhinacyadan Maqaaddiish

Dhanka midig baddii tahay

Bidixduna dhir iyo doog

Ciiddan dhabaq guduudka ah

Ee Dhiin lo’deenniyo

Geeluba ku dhaaddamo

Iyo ubaxa dhaadheer

Miyaad ka la dhex taagnayd!

Dhirta Xididka Hoosaa

Ereyada: Xuseen Aw Faarax Dubbad
Laxanka: Ismaaciil Cabdi Geri (Ismaaciil-Yare)
Luuqda: Xaliimo Cumar Khaliif (Magool)


Dhirta xididka hoosaa
Dhulka loogu beeree
Way dhici lahaayeene
Dhismahooda weeye;
Kii dhaba jacaylkuna
Halkii kama dhaqaaqoo
Dhidib baa u aasan 

Nin Ku Siray Wax Kuu Sheeg

Miraha: Maxamuud Cabdullaahi Ciise (Singub)

Luuqda: Kooxda Waaberi? (Saynab Cige, Salaad Darbi, Magool iyo Tubeec)

Saynab

Maxaa siro la qeybsaday

Safsaf laysku kala maray

Siraad laysu wada shiday

Laysa sogordahaayaa

Lays wada sabaayaa

Salaanaan niya ahayn

Gacma la isa saaraa

Laysu soo dhoweeyaa

Runta laga siqaayaa

Beenta sacabka loo tumay

Sida Jaawa Geel

Ereyad: Cabdulqaadir Xirsi Siyaad (Yamyam)*

Luuqda: Maxamad Saleebaan Tubeec

Sida jaawa geeloo

Jiilaal abaar iyo

Jeel iyo harraad helay

Xalay jeleledkaygii

Jaarkaa ku toosoo

Kaa jiifi waayoo

Adiguna ma joogtide

Ma waxaad is oo jirin

Markaan iilka jiifsado

Ee jahada lay dhigo?

Dhoof

Erayada: Maxamed Cali Kaariye

Laxanka: Xasan-Garayd?

Luuqda: Maxamed Axmed Kuluc iyo Xaliimo Cumar Khaliif (Magool)

Kuluc

Jacaylkan i dhaawacay

Jacaylkan i dhalanrogay

Jacaylkan i dhaansaday

Jacaylkii dhabta ahaa

Soo dhowaatay halistii

Haddaad iga dhaqaaqdee

Bal inaan ku dhiirrado

Dhexdaan xidhanayaa

Malmal baan dhitaysanee

Dhoof nooli kulantee

Ha dhantaalin caashaqa

Dhakhso iigu soo noqo

Baddu in ay Madow Dahay

Erayada: Cabdi Cali Wayd

Laxanka: Axmed Cali Cigaal?

Luuqda: Axmed Cali Cigaal

Baddu in ay madow dahay

Biyo tahay ma og tahay!

Boodhariba caashaqu

Batalaale inuu dhiguu

La soo booqdo ma og tahay

Anna inaan riyada baas

Badhtamaha habeenkii

Barkimadan ku moodoon

Beerka saaro ma og tahay

Baydhabo Ma Gaadhaa

Ereyada: Cabdalla Nuuraddiin Axmed

Luuqda: Cumar Dhuulle Cali

Nin jacaylku beerkiyo

Kala jaray boggiisoo

Baadidoona baan ahoo

Waan kula ballami laa

Beryo hadalka qaaddaa

Miyaad beledka dhaaftaa

Dhulka kale u badan tahay

Baydhaba ma gaadhaa

Waan Soo Baraarugayaa (Baraarug)

Erayada: Maxamed Cali Kaariye

Luuqda: Khadra Daahir Cige

Waan soo baraarugayaa

Badhtamaha habeenkii

Weli beerka xuunshadu

Waa kaa babbanayee

Bestay weeyee cudurkii

Waygu sii ballaadhee

Boholyow ma daayee

Naftayda aan badbaadshee

Sida Laamalooshaha

Erayada: Mustafe Sheekh Cilmi  
Laxanka: Saalax Qaasin
Luuqda: Khadra Daahir Cige

Sida laamalooshaha
Dabayluhu ay lulayaan
Ayaan laydha caashaqa
U la labalegdoodaa
 

Sida Canabka Beeraha

Erayada: Maxamuud Maxamed Yaasiin (Dheeg)

Laxanka: Xasan Sabriye Afrax (Xasan-Gareyd)

Luuqda: Maxamed Axmed Kuluc iyo Xaliimo Cumar Khaliif (Magool)

Sida canabka beeraha

Ama kayn caleenliyo

Dhul cagaarku siman yahay

Caad iyo Garloogubay

Cosobkii ku yaalloo

Cawshu gaardiyaysoo

Cidi daaqin baad tee

Sida Faras Xullaaloo

Ereyada: Ismaaciil Sheekh Axmed (Ismaaciil-Cagaf)

Luuqda: Cabdi Tahliil Warsame

Sida faras xullaaloo
Aan xaaluf aragoo
Nugaal xayska daaqoo
Baruur dhabarku xoodmoo
Ama Xallin fadhiyayoo
La xannaanin jirayoo
Xuddunta iyo feedhaha
Farawguu xardhoo
Oo xuub dhacsadayoo
Sayntu dhulka xaabtoo
Oo aan xajiiniyo
Weli mudan xas iyo duur
Oo xariirta shaalkiyo
Xakamihii la sudhayoo
Koore loo xambaaroo
Xog’ogaale fuuloo
Oo xuufka booddada
Xawaarada la yaaboo
Oon orodka xiiqayn
Qaar baa xarraamee
Marka aan xaggaagiyo
Xubnahaaga eegaba
Xiisoodayeey
Xadantoodayeey
Xoodaantayeey