Nin Ku Siray Wax Kuu Sheeg

Miraha: Maxamuud Cabdullaahi Ciise (Singub)

Luuqda: Kooxda Waaberi? (Saynab Cige, Salaad Darbi, Magool iyo Tubeec)

Saynab

Maxaa siro la qeybsaday

Safsaf laysku kala maray

Siraad laysu wada shiday

Laysa sogordahaayaa

Lays wada sabaayaa

Salaanaan niya ahayn

Gacma la isa saaraa

Laysu soo dhoweeyaa

Runta laga siqaayaa

Beenta sacabka loo tumay

Adduunyada sir iyo caad

Ninba sida dantiisaa

U sitaa saqaafaha

Saamo laysu jiidaa

Laysu wada sanqanayaa

Siddiqabaxi daba taal

Afka subag la mariyaa

Calooshuna sun jiiftaa

Sancaalaha gumaystaha

Hubka ay samaystaan

Haddaanay dhiig ku socodsiin

Siduu u gadmaayaa?

Salaad Darbi

Waxay tahay su'aashii

Kolba laba sokeeyaa

Saaxiib ahoo walaalaa

Laysku soo diraayaa

Markii laba saf loo go'ee

Saanaddii dhammaatee

Soo qeyshado la dagihii

Soori waannu ka xun nahay

Siliciyo dhibtiinnaba

Siintii way dhammaatee

Sawaariikhda naga gada

Sahal loo yiraahdaa

Waa sidaa ujeeddadu

Afrikaay sidaadaba

Sac baan xoolo lee nahay

La yiraahdo Saxardiid

Sumaddiisu midab tahay

Afartan iyo siddeed naas

Simmani ay ku yaallaan

Caanuhu ay sunsumayaan

Magool

Markii uu salaaddiyo

Saqdadhexe ka toosiyo

Candho saabkii waayuu

Isticmaar salaaxuu

Sibraarrada ka dhaansaday

Jeeraad saafi noqotaanoo

Faro simman ahaataan

Inaad seermawaydiyo

Guryosamo ka baaqdaan

Sacabka haw garaacina

Sidaan waan naqaannaa

Sidaanna waannu garannaa

Hadday gacantu saan tahay

Sri bay cirib ku lee dahay

Tubeec

Sinnaantu waa dhab

Saadaashu waa run

Xornimo waa sed

Haddaad samirki aragteen

Waxba inaanu soo sidin

Sannadkana ogaateen

Qarniguna sargooyada

Labaatan uu ku sugan yahay

Taariikhdana la socotaan

Maydin seefta maashaan?

Ilaa aad samaysaan

Saldhig aad tidhaahdaan

Sokeeyihi madoobaa

Sugi mayno nolol wacan

Nin ku sugay gar kuu dhigay

Kuu dhigayeey

Nin ku siiyay kuu faan

Kuu faanyeey

Nin sarbeebay kaa qari

Kaa qariyeey

Nin ku siray wax kuu sheeg

Kuu sheegyeey

Afrikaay ha seexan!

Ha seexan!

Afrikaay ha seexan!

Ha seexan!

Afrikaay ha seexan!

Ha seexan!

Erey-fur

Sogordah: hadal la isu maldahao, la isu sarbeebo.

Sanqasho: indhaha oo la isaga baaqo.

Saqaafo: kabo.

Soori: sorry (raalli ahow, waan ka xumahay) .