Gacantu Raaxo Daranaa

Erayada: Xasan Xaaji Cabdillaahi “Ganey”

Laxanka: Axmed-Nuur Jaangow

Luuqda: Aamina Cabdillaahi Xirsi

Galow taah gu’ madaxii

Goohyoo “galaa yimi?”

Guugguule faal dhigay

Garan waa minka u baxay

Misna baalasha is goo;

Gorayo

Erayada: Xasan x. Cabdillaahi (Ganey)

Luuqda: Xasan Aadan Samatar

Caashaqani muxuu gabay

Laba guusha wada jecel

God muxuu ku kala riday

Laba guur isku ogaa

Geerida mid yidhi ‘hoo’

Jaw Nabadgelyo!

Erayada: Xasan Xaaji Cabdillaahi (Xasan-Ganey)

Luuqda: Xaliimo Cumar Khaliif (Magool)

Ma jir caashaq bay helay

Ma adaa Jardooliyo

Jirdagooye kugu dhacay;

Ma anaa jidiinkiyo

Carrabkaygu jalaq gabay!

Sidaan anigu jecelahay

Adigoo u jeel qaba

Ma jiq bay na kala xiga

Iyo buurtii jamal Qaaf!

Anoo jiifka qaban liyo

Adoo jeegada u yaal

Miyay talaba joogtaa!