Alla May Dadaasho

Erayada: Maxamed Cumar Xuseen “Huryo”

Laxanka: Maxamed Saleebaan Tubeec

Luuqda: Maxamed Saleebaan Tubeec

Cidlaan dawaafaa

Ka daydayaayoo

Daruurahaan hadal

Intaa u dirayaa!

Dulmaan qabaayoo

Adaan ku doortoo

Dartaa u ooyee

Mad ii dadaashid

Oo diiftan an qabo

Iga dawaysid

Oo may dadaasho

Oo ay i daryeesho!

 

Alla may dadaasho

Ooy ku daryeesho!

 

Bal dadyow adduunka

Labadii is doortaa

Isu daacad maahoo

Iyagaa is dilaaya

 

Alla may dadaasho

Ooy ku daryeesho!

 

Tay naftaydu doontay

Inuu Daa’in keeno

Iigu soo duceeya

Kuugu soo ducaynnay

EREYADA INTA HARSAN HALKAAN HOOSE KA DAAWO

HALKAAN KA DAAWO/AKHRISO - YOUTUBE HEELLOOY

FADALAN KU SOO BIIR YOUTUBE-KEENNA

Digarogasho

Erayada: Maxamed Ibraahin Warsame “Hadraawi”

Laxanka: Cabdikariin Faarax Qaarrey "Jiir"

Luuqda: Maxamed Mooge iyo Shankarroon Axmed “Sagal”

Mooge

Jidhku wuxu dubaaxshaa

Damqadaa halbawluhu

Xididdadu darrooraan

Ama dhiigga daadshaan

Afku hadalka daayaa

Dibnihiisa haystaa

Doqon kaa nasiib lihi

Marka ay ku dooxdee

Birta kaala daashee

Kuu celiso daabkee;

Waxay doodi furan tahay

Ruux kuu darraan jiray

Marka aad ku digatee

Xaqu kuu dulleeyee 

Cabdow Berisamaad (Sheeko Baraley)

 Ereyada: Cabdiqafaar Ciise Cagoole

Luuqda: Khadra Daahir Cige

Inuu beer jacayloo

Kalgacayl ku baahiyo

Hadallada baroortii

Boogaha damqinayaan

Kugu baabay maqallay

Baxnaanadu siday tahay

Miyaad weli bestaa tahay

Allahayow ku sama bixiyeey

Dirirrada

Erayada: Cismaan Cumar Cambuur (John)

Laxanka: Axmed Gacayte Yuusuf

Tumidda: Cabdinaasir Macallin Caydiid

Luuqda: Axmed Gacayte Yuusuf

Durdurradii Dharyaa iyo

Dirirrada afkoodii
Tuurta dacalladeediyo

Marka Jeexdin loo dego

Yoondheere daad maray

Degmadeenna oo taal

Dalxiis aan u aadnoo

Aqal laba daryaalaa

Dadabteenna lagu xidhay

Deeqaay ku geeyoo

Dermo aynu dhigannee

Sow u ma diyaar tihid!

Xabsi Caashaq

Ereyada: Ayaan Kaaba Axmed Caydiid

Luuqda: Faysal Muniir

Laxanka: Xariir Axmed

 Iga daa xusuusaha

Xayiraadda iga qaad

Ii keen xorriyaddii

Aan xidhiidh samaystee

Axaddii — Maxamed Mooge

Erayada: M. I. Warsame “Hadraawi”

Laxanka: Cabdikariin F. Qaarrey “Jiir”

Luuqda: Maxamed Mooge Liibaan

Waa la ii addimay

Axaddii sidaan

Kuu eegayee

Araggeeda tii aan

Ku ildoogsadaay

Ma illowsan tahay

Axdigii aad martiyo

Meeshii aad i tidhi

Waan imanayaa?

Ma La Dhuubtay Awgaa

Erayada: Cabdillaahi Cabdi Shube

Luuqda: Xuseen Yuusuf Tarabbi iyo Maryan Mursal Ciise 

Xuseen

Igu dheer e inantani

Waa taan dhursugayee

Dhuuniga u diidee

Hurda uga dhaqaaqee

Dheeheeda midabka le

Waa mid loo dhammeeyoo

Maba kala dhantaalnee

Diiggaa Habeenkii

Erayada: Maxamed Cumar “Huryo”

Laxanka: Axmed Gacayte Yuusuf

Luuqda: Maxamed Axmed Kuluc

Diiggaa habeenkiyo

Markuu waagu daalaco

Duryamood ogsoontoo

Daxayoo badh kaga maqan

Dabuubta uga yeedha;

Diinkuna ma dhuunyado

Dareemada abaartoo

Afka wuu u diidaa

Hadduu gugii ku daaqee

Haddii aan ku naawilay

Erayada: Axmed Saleebaan Bidde

Laxanka: Axmed Saleebaan Bidde?

Luuqda: Sahra Axmed Jaamac

Adduun nugulku doogsaday

Rahuna nawda doob furay

Nafyaruhu wax quudhsaday

Ragannimooy ninkaagii

Nacasnimo maxaa baday!

Nafsigiyo ayaankow

Xaggee baad ku nooshiin?!

Haddii aan ku naawilay

Hay gabin nasiibow!

Go'doon

Erayada: Ciise Warsame Samatar “Dhancadde”

Laxanka: Cabdalle Maxamed Carraale “Sagsaag”

Luuqda: Faadumo Cabdillaahi Kaahin “Maandeeq”

Haddaan gudin Ilaahay

Aanu kugu gargaarayn

Waxba kuu ma goysoo

Gacmahaa ku daalee

Garan wayday taladii

Gacal iyo nasteexoo

Adigay is go’doonshee

Guryasamo Allahayow

Erayada: Maxamed Cali Kaariye

Laxanka: Xasan-Gareyd

Luuqda: Maxamed Saleebaan Tubeec iyo Faadumo Cabdillaahi Kaahin “Maandeeq”

Tubeec

Garashiyo wanaag gudubtaye

Gacal iyo xigaal goysaye

Geedkii jacaylka

Guntii baad ka jartee

Guryasamo Allahayow

Geestii roon Allahayow

Gacantu Raaxo Daranaa

Erayada: Xasan Xaaji Cabdillaahi “Ganey”

Laxanka: Axmed-Nuur Jaangow

Luuqda: Aamina Cabdillaahi Xirsi

Galow taah gu’ madaxii

Goohyoo “galaa yimi?”

Guugguule faal dhigay

Garan waa minka u baxay

Misna baalasha is goo;

Kalgacaylku Waa Qani

Erayada: Cabdillaahi Diiriye Sooraan

Laxanka: Saalax Qaasin Naaji

Luuqda: Hibo Maxamed (Hibo-Nuura)

Hibo-Nuura

Kalgacaylku waa qani

Caashaqa ka qara weyn

Qurux iyo wanaag badan

Waana shay ku qaaliya

Qiimaynta aadmiga;

Labada is la qaaddana

Qalbigooda ka ma go’o

Waxa’n igaba kaa qaban

Kuu quudhi maayee!

Ha Ku Daalin Jeedaal

Erayada: Cabdi Aadan Xaad (Qays)

Laxanka: Maxamed Axmed Kuluc

Luuqda: Maxamed Axmed Kuluc

Waxaad jeceshay la ma helo

Naftaydaay!

Wax ku jecelna diiddee

Ma og tahay Jannada udug

Nimaan jirrib u soo marin

Sahal la ma dhex joojee!

Adduunyada Nin Dhoofiyo

Luuqda: Maxamed Saleebaan Tubeec
Ereyada: Maxamed Cali Kaariye
Laxanka: Xasan-Gareyd (?)


Adduunyada nin dhoofiyo
Ninkii deggen dhulkii hooyo
Nin dhergiyo
Nin dhawr qaday
Aan dheef hayn
Dheddigiyo laboodba
Hawli kama dhammaatee
Qof waliba waxii dhibay
Dhafoorkay ku taallaa
Anna dhaawacaygii
Jacayl dhidibka aastaan
La dheeldheelliyaaye!

Masalooy

Erayada: Maxamed Cumar “Huryo”

Laxanka: Saalax Qaasin Naaji

Luuqda: Khadra Daahir Cige

Masalooy masalooy

Danteennii murugtay baan

Maxaadh ku luuqayaa

Markaan talo meel dhigaba

Maxaad u maroorisaa

Muranka horta kuugu wacan?

Ceel Walwaleed (wadnahaan far ku hayaa)

Erayada: Maxamed I. W. “Hadraawi”

Laxanka: Cabdikariin F. Qaarrey “Jiir”

Luuqda: Muuse Ismaaciil Qalinle

Wahey dhalashadaadaan

Farxad waalan gaadhoo

Weedhkiyo dabaylaha

Ama weriyahaygii

Goortaan waraystaan

Werwer ii dhammaadoo

Wahab layga qaadoo

Lugtu weerar mooyee

Wahsigii illowdoo

Wadar iga lib haysaan

Is lahaa ku wiirsoo

Waayeel duceeyaan

Wacayoon u yeedhee

Walqashaadii ma adaa

Cunay waaxyaheedii?!

Dhirtu waxay la ciirtaa

Erayada: Cismaan Aadan (Askari)

Luuqda: Sahra Axmed Jaamac

Dhirtu waxay la ciirtaa

Dhulku qaadi waayaa

Dhagaxuna ka ooyaa

Baddu dhiig ilmaysaa

Cirku dhibica daayaa

Ballan ruux intuu dhigay

Dhayalsaday dabeedoo

Wacadkiina dhaafee!

Hibooy (Gacanlow iyo Magool)

Erayada: Saxardiid M. Jebiye

Luuqda: Cismaan Cabdikariin (Gacanlow) iyo Xaliimo Cumar Khaliif (Magool)

Gacanlow

Hiboy hunguri in uu wadkaa yahoo

Hadduu ku haleelo kula hadha oo

Heddaada jaraayo ma og tahay?

Ma Dadkii Kitaabkiyo

Erayada: Cabdiqaadir Xirsi ‘Yamyam’

Laxanka: Cabdikariin F. Qaarrey “Jiir”

Luuqda: Cumar Cabdulle Nuur

Dusha timaha guudkee

Dib u dhaafay adhaxdiyo

Dibna-hadalka-qaadmada

Ilka dabar cad kaga yaal

Dib markaan u fiirsado

Fanax yara 'damuuqsiye?'

I dishaye cabbaaryada

Is la gaaray dacallada

Degga labada garab iyo

Waaxyaha dushooda

Dan-dhaqaaqa laafyaha

Dadyow anigu yaabaye!