Sida Canabka Beeraha

Erayada: Maxamuud Maxamed Yaasiin (Dheeg)

Laxanka: Xasan Sabriye Afrax (Xasan-Gareyd)

Luuqda: Maxamed Axmed Kuluc iyo Xaliimo Cumar Khaliif (Magool)

Sida canabka beeraha

Ama kayn caleenliyo

Dhul cagaarku siman yahay

Caad iyo Garloogubay

Cosobkii ku yaalloo

Cawshu gaardiyaysoo

Cidi daaqin baad tee

Cawo waxaa leh

Ama ciil bixi lahaa

Calaf nimuu ku siiyoo

Cunto ku la wadaagood

Gogol ku la cawaysaa

Magool

Cirka oo daruurliyo

Casar hogol darroortiyo

Cadceed subax la moodyow

Waxaad ii la cayn tahay

Dayaxoo cawayskii

Carrigoo mugdi ahaa

Dhulkii wada caddeeyee

Cawo waxaa leh

Cadraddii nasiibiyo

Calaf kuu aroosee

Carruur kuu xambaarteed

Gogol ku la cayaartaa

Kuluc 

Cabbaadhyaha ku yaalliyo

Cududaha iyo laafyaha

Caaddilkii ku uumaa

Qurux cayn la doonaba

Inan yahay tin iyo cidhib

Cadka kuu dhammeeyo

Ceebba kaa ilaashee

Cawo waxaa leh

Ama ciil bixi lahaa

Calaf nimuu ku siiyoo

Cunto ku la wadaagood

Gogol ku la cawaysaa

Magool

Adba wiil codkaraa too

Cilmi iyo aqoon loo

Caaqil taliya baad tee

Ruuxaan caawa ku la simo

Ifka cagaha soo dhigay

Cidi sheegi maysoo

Adigay cajabiyee

Cawo waxaa leh

Cadraddii nasiibiyo

Calaf kuu aroostee

Carruur kuu xambaarteed

Gogol ku la cayaartaa

Kuluc

Sida ciidda waynoo

Cooflihiyo dhallintii

Isu soo caddaysoo

Golahii ciyaaraha

Cawayskii isugu timi

Carfigiyo udgoonkana

Caynkoodii baad tee

Cawo waxaa leh

Ama ciil bixi lahaa

Calaf nimuu ku siiyoo

Cunto ku la wadaagood

Gogol ku la cawaysaa

Cawo waxaa leh

Cadraddii nasiibiyo

Calaf kuu aroostee

Carruur kuu xambaarteed

Gogol ku la cawaysaa

Cawo waxaa leh

Ama ciil bixi lahaa

Calaf nimuu ku siiyoo

Cunto ku la wadaagood

Gogol ku la cawaysaa

Faallo: waa hees ka mid ah heesihii riwaayaddii lixdannadii la dhigay ee Talo iyo Tallaabo ee abwaan Dheeg sameeyay. Waa heestii u horraysay ee uu laxameeyihii weynaa ee Xasan-Gareyd laxanka u sameeyay.

Heeso kale oo QORAN