Ma La Dhuubtay Awgaa

Erayada: Cabdillaahi Cabdi Shube

Luuqda: Xuseen Yuusuf Tarabbi iyo Maryan Mursal Ciise 

Xuseen

Igu dheer e inantani

Waa taan dhursugayee

Dhuuniga u diidee

Hurda uga dhaqaaqee

Dheeheeda midabka le

Waa mid loo dhammeeyoo

Maba kala dhantaalnee

Maryan

Amba kugu dhadhabayoo

Labada isu dhiganta

Mid hadduu dhantaalmana

Dhisme u ma hagaagee

Amba dhuubtay awgaa

Habeennadan dhibaatee

Xuseen

Dhayalsaday jacaylkoo

Inta uu dhan ii riday

Ma dhexgalay wadnaha oo

Ma la dhuubtay awgaa!

Maryan

Amba dhamac kalgacal baa

Inta aan la dholondholay

I dhalaalinaysoo

Dhexdu i la yaraatee!

Xuseen

Dhadhab kugu xusuustoo

Riyo kugu la dheelee

Dhoolal xuuralcayneey

Dhan aad qabatay waayee

Kolkaad soo dhowaataa

Dhulku wada iftiimaa

Maba ka la dhantaalnide

Maryan

Laba ka la dhignaatoo

Waxaan nahay dharaar qudha

Haddii ay is dhaafaan

Isu dheelliyaysee

Amba dhuubtay awgaa

Habeennadan dhibaatee

Xuseen

Dhayalsaday jacaylkoo

Inta uu dhan ii riday

Ma dhexgalay wadnaha oo

Ma la dhuubtay awgaa!

Maryan

Amba dhamac kalgacal baa

Inta aan la dholondholay

I dhalaalinaysoo

Dhexdu i la yaraatee!

Xuseen

Sida dhuub guyoo baxay

Ama dharab arooryaad

Dhilowyahanka ubaxa le

Dhaayaha u rooneey

Dhab u socodka laafyaha

Waa mid aad u dhalatoo

Maba ka la dhantaalnide

Maryan

Amba ku ma dhaliiline

Sidaad iigu dheer tahay

Dhaxalkayga kugu qoray

In aad tahay ka dhawrtee

Amba dhuubtay awgaa

Habeennadan dhibaatee …

Xuseen

Dhayalsaday jacaylkoo

Inta uu dhan ii riday

Ma dhexgalay wadnaha oo

Ma la dhuubtay awgaa!

Maryan

Amba dhamac kalgacal baa

Inta aan la dholondholay

I dhalaalinaysoo

Dhexdu i la yaraatee!

Heeso Qoran