Jibin — Maandeeq

Erayadii: Cabdillaahi Diiriye Sooraan

Laxanka: Cabdillaahi Diiriye Sooraan  

Luuqda: Faadumo Cabdillaahi Kaahin “Maandeeq”

Ma jin baa ma jaan baa?

Mise jahawareer bay

Arrintaydu joogtaa?

Sow kan jarihii aan waday

Dhan kale u janjeedhsaday

Allahayow Janniyo naar

Adow kala jaheeyee

Aniga jooga iga maqan

Qalbigaygi la ma jiro

Oon jab iyo maamuus

Jirrab adag la soo maray

Isagana jacaylkuba

Uu la yahay dad jaallaa

Sideen ugu jaheeyaa?!

Jibintoo hillaacdiyo

Sida johorad nuurtuu

Meel ii la joogoo

Jibbadiyo kalgacalkana

Nafta waan u jari laa;

Sida roob Jirtaalaa

Ama jeerta webiyada

Ee joogta weligeed

Sow kan jabadka iga galay;

Jisahayga Eebbaa

Jannadiisa iga siine

Waxay tahay jawaabtaydu

Inaan kaba jalbeebtaa

Hadduu jabiyay wacadkii!

Jaleeladu ma geed baa?

Jigriguna ma qori baa?

Jilbiskuna ma bahal baa?

Anna jololo’daydii

Ma waxaan jirayn baa

Dadka laba jardaaqaa

Jirjirroole siduu yahay

Hadba jeego kuu dhiga

Ee aan dhannaba jirin

Iyo waxa la jaadaba

Jaliilkaan ka magangalay

Nabsiguna hadduu jiro

Ha iska jalabuteeyee

Loo joogi doonee

Heeso Qoran