Dirirrada

Erayada: Cismaan Cumar Cambuur (John)

Laxanka: Axmed Gacayte Yuusuf

Tumidda: Cabdinaasir Macallin Caydiid

Luuqda: Axmed Gacayte Yuusuf

Durdurradii Dharyaa iyo

Dirirrada afkoodii
Tuurta dacalladeediyo

Marka Jeexdin loo dego

Yoondheere daad maray

Degmadeenna oo taal

Dalxiis aan u aadnoo

Aqal laba daryaalaa

Dadabteenna lagu xidhay

Deeqaay ku geeyoo

Dermo aynu dhigannee

Sow u ma diyaar tihid!

Hiddihii la deday baan

Diirka kaaga dhilayaa

Diric qaadan mayside

Diibkii timaha iyo

Saddexqaydka doorkaa

Ama darayamuuskii

Dunta Boqorka ee wacan

Ayaan kuu dalbanayaa

Dhaqankeenna doorkaa

Inaan dib u qorshaynnaa

Damiirkaygu jecelyee

Sow u ma diyaar tihid!

[……..]

Dusha shaqal ka mariyeen

Darafkana madiideen

Dambar aan ku shubannoo

Galaas kuu dardara oo

Caleemaha is dabay iyo

Deegaanta dhuubkaa

Aynu wada dawaafnoo

Deeqaay ku geeyee

Sow u ma diyaar tihid!

Fiiro! Dharyo (Lafta Dherida), Dirirrada, Tuurta, Jeexdin iyo Yoondheere waa degaamo Hargeysa ka xiga koonfur-bari.  

Heeso Qoran