Ma Dadkii Kitaabkiyo

Erayada: Cabdiqaadir Xirsi ‘Yamyam’

Laxanka: Cabdikariin F. Qaarrey “Jiir”

Luuqda: Cumar Cabdulle Nuur

Dusha timaha guudkee

Dib u dhaafay adhaxdiyo

Dibna-hadalka-qaadmada

Ilka dabar cad kaga yaal

Dib markaan u fiirsado

Fanax yara 'damuuqsiye?'

I dishaye cabbaaryada

Is la gaaray dacallada

Degga labada garab iyo

Waaxyaha dushooda

Dan-dhaqaaqa laafyaha

Dadyow anigu yaabaye!

Ma dadkii Kitaabkiyo

Diinteennu sheegtee

Degganaa Fardowsoo

Soo daahiraa…!

Doqontii nasiib lee

Damac kaa galaa baa

……. waab la saaraa?

Daymada jalleecada;

Markii aan ku daawaday

Indhuhu meelay diidaan

Daa’in kuuma yeeline;

Daruur yahay adoo kale

Nebi Yuusuf dabadii

Lama keenin dunidee

Nasiibku haygu kaa daro!

Ma dadkii Kitaabkiyo

Diinteennu sheegtee

Degganaa Fardowsoo

Soo daahiraa…!

Dawliilka dhererkee

Daray baxay la moodiyo

Deggenaanta socodkiyo

Dun wanaagga dhalankaa

Damqashada kalgacalka le

Da’day tahay waxgarashada

Dar Ilaahay siday tahay

Inta timaha dabatiyo

Dumar gebi ahaantii

Dhan loo dayaaba inan yahay

Qurux ku la ma doonane

Ma dadkii Kitaabkiyo

Diinteennu sheegtee

Degganaa Fardowsoo

Soo daahiraa…!

Heeso Qoran

Like us on Facebook