Go'doon

Erayada: Ciise Warsame Samatar “Dhancadde”

Laxanka: Cabdalle Maxamed Carraale “Sagsaag”

Luuqda: Faadumo Cabdillaahi Kaahin “Maandeeq”

Haddaan gudin Ilaahay

Aanu kugu gargaarayn

Waxba kuu ma goysoo

Gacmahaa ku daalee

Garan wayday taladii

Gacal iyo nasteexoo

Adigay is go’doonshee

Garka iyo halbowlaha

Xadhiggaa isu giijee

Markaan gacanta kuu galay

Sidii nacab i goysee

Adaan guuldarraanta

Dhaxal kaaga gaadhoo

Naxariistii gooyee

Adigaa guyaystoo

Raaxo u gam’aayee

Guudkayga haad baa

Sida geed fadhiistee

Gabbalkii dam weeyaan

Haddaad garasho diiddood

Gudubka iga dhaaftee

Intaan goor habeennimo

Dhul aan laga geyoonayn

Mas ku jiidhay guuraha

Garan maysid adiguye

Garanuug sideedaan

Gabaddanada seexdaayoon

Gacaltooyo waayee

Intaan gabanyow adiguun

Kugu gooniyaa baa

Hablii i la gudboonaa

Rag u wada guntadaye

Garan wayday taladii

Gacal iyo nasteexoo

Talo iga gurracantee

Heeso Qoraal ah