Carro'edeg

Erayada: Muuse Cali Faruur

Laxanka: Xuuxuule (nin hilible ahaan jiray buu ahaa)

Luuqda: Sahra Axmed Jaamac

Cosob raadi geeluba

Mar buu ciin ku daaqaa

Caadh iyo xadhaadh loo

Anna ciilka kama koro

Mana daayo caashaqa

Cabashana ma waayee

Kii aan calmadayeen

Carro'edeg ka doortaa

I mariyay ceebtaa

Caqli daran naftaydaay

Carcaraaf i marisaye

Sideen caawa yeelaa?

Rag caddaaday baa yidhi:

"Haddaad ii cug badan tahay

Cadho waayi mayside"

Anna kama calool go'o

Casho mid aan is aragnoo

Dhakhso ii cajabiyee

Kii aan calmadayeen

Carro'edeg ka doortaa

I mariyay ceebtaa

Caqli daran naftaydaay

Carcaraaf i marisaye

Sideen caawa yeelaa?

Cuudkuba dharaar buu

Jiilaal caddaadiga

Afka caws la waayaa

Anigana cir ii da'ay

Markii aan cab idhi sow

Ceeryaamo muu noqon!

Kii aan calmadayeen

Carro'edeg ka doortaa

I mariyay ceebtaa

Caqli daran naftaydaay

Carcaraaf i marisaye

Sideen caawa yeelaa?

Fiiro: Beri hore, badhtamihii 1973, ayay heestani soo baxday. Waxa ay ku jirtay riwaayad la odhan jiray Agoon Aabbo La' oo Muuse Cali Faruur curiyay. Maxamed Mooge ayaa isna heestan qaaday.

Heeso Kale oo Qoraal ah