Cududdayda Sii Daa

Erayada: Cali Cilmi Aflow

Laxanka: Aweys Abuukar Nuur (Goobbe)?

Luuqda: Xasan Aadan iyo Sahra Axmed

Xasan

Canabkoo magooliyo

Carguduudda midhihiyo

Cosobiyo dhul baad laay

Lagu mood cirjiidheey

Casar roob darrooroo

Ay cadceeddu qabatiyo

Calcalyada xareeddee

Midabkaagan ciidkee

Caashaqa u sahanaa

Niyadaydi cugataye

Ku calmadaye ma og tahay?

Sahra

Isu soo cayaarguda

Caddallool wadaagtoo

Beryo cuudka wada jiray

Cidahoodu wada tiil

Is tiqiin carruurnimo

maynnu noqon cashiiree

Caawaynnu kulannee

Ii culaysay sheekee

Sidaan kuu cajabiyaa

 Isma camal naqaannee

Cududdayda sii daa

Xasan

Carro laga hayaamoo

Ciyowguun ka qayshoo

Cooflaha libaaxiyo

Cagweynow maroodigu

Cimidh ay u joogaan

Caarraha shabeelkiyo

Wiyiluhu cartamayaan

Caashaqaa daraaddaa

Dhul cabsi le i mariyoo

Ku go'doomay cayntee

Ku calmadaye ma og tahay?

Sahra

Casguduudka waaberi

Cadceeddoo fallaadhaha

Ku cigaalan nuuriyo

Manka caaradiisiyo

Curub geed ku taalliyo

Waxan ahay carruur weli

Waalidkii ceshanayoo

Ma aqaanno caashaqa

Caynka uu u dhiganyee

Isma camal naqaannee

Cududdayda sii daa!

Faallo: heestani waxa ay ku jirtay riwaayad uu Cali Cilmi Aflow sameeyay oo la odhan jiray “Hablaha Maanta iyo Nin u Holladay Guur”. Heeso kale oo caan ahaa baa ku jiray riwaaddaas oo ay ka mid ahayd Godobtayda La Carrow.....

Heeso Kale oo Qoraal ah