Dharaartaan

Erayada: Cali Sugulle Duncarbeed

Laxanka: Cabdillaahi-Qarshe

Luuqda: Maxamed Saleebaan Tubeec

Dhaaxaan gunnimiyo dhibaato mutoo

Dhoomaha layga saaray dhinacyada eey

Dharaartaan waxyeelladii dhaqdhaqee

Calanka dhidbay sow ma soo dhicineey 

Kadabaa!

Erayada: Saxardiid Maxamuud Jebiye

Luuqda: Maxamed Yuusuf Cabdi

Waa kii aynu rabnee

Kifaaxiisa galnee

Soomaalaay kulligaa

Kulmiyaa la sudhee

“Kadabaa” dhaha eey

Badda Caashaqa

Erayada: Maxamed Cumar “Huryo”

Laxanka: Axmed Gacayte Yuusuf

Luuqda: Sahra Axmed Jaamac

Badda caashaqeen gudhin

Een cidi ka soo bixin

Aday baraye ma og tahay!

Kolkii aan barriinsaday

Ka baxdaye maxaa dhacay

Beenaysay wacadkii! 

Waan Duulayaaye

Erayada: Saxardiid Maxamuud Jabiye

Luuqda: Maxamed Aadan “Dacar” iyo Hibo-Nuura

Dacar

Dabar iyo hoggaaniyo

Dani seeta weeyee;

Iga duule xoolihii

Adna kaama daahnee

Dib ina’n u dhoofaan

Taladii ku daystee

Aan kula dardaarmee

Rugta sii daryeeloo… 

Aakhirooy Xaggee Baad Naga Xigtaa?

*Ereyada: Cabdi Aadan Xaad (Cabdi Qaysa)
Luuqda: Maxamad Mooge Liibaan


Maalinta xanuunkiyo
Xaqa mowdku soo galo
Xabaasha iyo illkaan 
Kugu soo xusuustaa
Xiddiga cirkee sare
Inaad xubin ka mid ah tahay
In aad hoos u xulan tahay
Dhulka xero ku lee dahay
Maannu helin xogtaadee
Aakhirooy xaggee baad naga xigtaa?

Guuleed Ma Joogaa?

Luuqda: Xasan Aadan Samatar
Ereyada: Cabdulqaadir Xirsi Siyaad (Yamyam)
Laxanka: Cabdikariin Faarax Qaarrey (Cabdikariin-Jiir)

Xalay gelin dhexaadkii
Mar aan mayrac guuraha
Sheedda guriga faalalay
Oon himilo gaar ah iyo
Dayaxoon galsho lahayn
Ilayskiisa galalacay
Sida goonni daaq cawl
Gaafmeeray socodkii

Dawo (Daruur Curatay baa)

Erayada: Aadan Tarabbi Jaamac

Laxanka: Aadan Tarabbi Jaamac

Luuqda: Cabdiraxmaan Xasan Rooraaye (Abu Raas) iyo Aamina Cabdillaahi Xirsi

Abu Raas

Daruur curatay baa

Anoo debad fadhiya

Igu soo da’dee;

Doox soo rogmiyo

Dufaan cir iyo

Daad baa i sidee;

Bal Dawooy adaa

Dadna iigu dhow

Deyi wayday hooy

Darxumadaan qabee

Nafsi lala darsaa

Danbabeer ma lee

Dib u fiirsa oo

Yaanu kugu danbayn

Jaw Nabadgelyo!

Erayada: Xasan Xaaji Cabdillaahi (Xasan-Ganey)

Luuqda: Xaliimo Cumar Khaliif (Magool)

Ma jir caashaq bay helay

Ma adaa Jardooliyo

Jirdagooye kugu dhacay;

Ma anaa jidiinkiyo

Carrabkaygu jalaq gabay!

Sidaan anigu jecelahay

Adigoo u jeel qaba

Ma jiq bay na kala xiga

Iyo buurtii jamal Qaaf!

Anoo jiifka qaban liyo

Adoo jeegada u yaal

Miyay talaba joogtaa!

Beerkey Adaa ku Weyn

Ereyada:...... ?
Luuqda: Maxamad Aadan Shamuuri

Billow bisinkaa u weyn
Aqoon barashaa ka weyn
Billaahi yaqiin u weyn
Xijaabna burdaha u weyn
Naftayda bar baad tahoo
Jacayl igu biirayaa
Intaa igu baahayee

Midab Gumaysi Diida (Madaxdii Afrikaay)

Erayada: Maxamuud Cabdullaahi Ciise “Singub”

Luuqda: Cabdi Cali Bacalwaan iyo Dalays iyo jiibinta Kooxdii Waaberi!

Ian Smith[i] ma muuqdeen

Rhodesia[ii] ma maageen

Haddaan midig la siinin